ԴԱՇՆԱԿՑՈՒԹՅՈՒՆԸ ԵՐԳՈՎ Է ՍԿՍՈՒՄ
Հայ հեղափոխական դաշնակցության (ՀՅԴ) նախագահի թեկնածու Վահան Հովհաննիսյանի քարոզաշավը մեկնարկեց «Արմենիա-Մարիոթ» հյուրանոցի «Տիգրան Մեծ» սրահում: Այն լեփ-լեցուն էր դաշնակցականներով եւ Դաշնակցության համակիրներով: 2008-01-21 01:24
Մինչեւ նախագահի թեկնածու Վահան Հովհաննիսյանի քարոզարշավի մեկնարկն ազդարարող միջացառման սկիզբը մարդաշատ դահլիճում հնչում էր Ռուբեն Հախվերդյանի` 2007-ի ԱԺ ընտրություններին ՀՅԴ-ի համար գրած երգը: Հետո բեմ բարձրացավ
ինքը` Ռուբեն Հախվերդյանն ու կատարեց այդ երգը: Երիտասարդ դաշնակցականները ծածանում էին «Ես Վահանի հետ եմ» մակագրությամբ ցուցապաստառներն: Մի քանիսն էլ շուրջպար էին բռնել:
Առաջինը խոսեց Վահան Հովհաննիսյանի շտաբի պետ Արմեն Ռուստամյանը: Նա հիշեցրեց, որ Դաշնակցությունը վերջին անգամ նախագահական ընտրություններին սեփական թեկնածու է առաջադրել 1991թ.-ին: «17 տարի հետո ՀՅԴ-ն սեփական թեկնածուով մասնակցում է նախագահական ընտրություններին»,- նշեց Ռուստամյանը եւ ասաց, որ «պետք է ամեն ինչ անել, որպեսզի 2008թ.-ի նախագահական ընտրությունների արդյունքում ունենանք ազատ քաղաքացիների արդար պետություն»:
«Մեր թեկնածուն իր ամբողջ կյանքով ապացուցել է իր նվիրվածությունը ազգային գաղափարներին»,- Վահան Հովհաննիսյանին ներկայացրեց Արմեն Ռուսատմյանը։
ՀՅԴ թեկնածուն բեմ բարձրացավ «Մեր Վա-հան» վանկարկումների եւ Դաշնակցության համար նախագահական ընտրություններից առաջ գրված նոր` «Միասնության երգ»-ի կատարման ներքո:
«Ես մենակ չեմ, ես ունեմ ամուր, ուժեղ թիմ»,- հայտարարեց Վահան
Հովհաննիսյանը եւ բեմ հրավիրեց իր թիմը, «իր ընկերներին»` դաշնակցական նախարարների ու պատգամավորների, կուսակցության ղեկավար կազմին, շարքային դաշնակցականների:
ՀՅԴ թեկնածուն տեղեկացրեց, որ ընտրություններից առաջ իր հետ «Ես Վահանի հետ» եմ կարգախոսով պայմանագիր է կնքել 126 հազար ընտրող եւ բեմ հրավիրեց նրանցից մի քանիսին` ոչ դաշնակցականների: «Վահան, սիրելիս, մեր հույսերը, մեր սրտերը քեզ հետ են»,- ասաց նրանցից տիկին Մարիետան:
Վահան Հովհաննիսյանը հակիրճ ներկայացրեց իր ծրագրի հիմնական կետերը, որից հետո հնչեց այդ երեկոյի երրորդ դաշնակցական երգը` «Համայն հայության դաշնակցությունը»:
Ուսանող դաշնակցականները Հայաստանի դրոշը ձեռքներին շուրջպար էին բռնել; Նրանց ոգեւորությունը փոխանցվել էր նաեւ Վահան Հովհաննիսյանի, ով հայտարարելով «Լինենք միասին եւ հաղթանակն ապահովված է», եզրափակեց իր առաջին նախընտրական միջոցառումը:
|
|
|
| « Սեպտեմբեր 2010 » |
|---|
| Երկ | Երք | Չոր | Հնգ | Ուրբ | Շբթ | Կիր |
|---|
| | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
|
