Հայաստանի և Թուրքիայի հավաքականների միջև ֆուտբոլային խաղի պատճառով Երևանում ըննդիմության հանրահավաքը տեղափոխվել է սեպտեմբերի 5-ից 12-ը : Այդ մասին այսօր մամլո ասուլիսի ժամանակ հաղորդել է Հայ ազգային կոնգրեսի կենտրոնական գրասենյակի ներկայացուցիչ Լևոն Զուրաբյանը:

Նրա խոսքով, Հայաստանի առաջին նախագահ Լևոն Տեր-Պետրոսյանի գլխավորած ընդդիմությունը երբեք որևէ քայլ չի ձեռնարկել`նպատակաուղղված երկրի հեղինակության հաշվին քաղաքական միավորներ շահելուն: ՙԵթե Հայաստանում օրինական իշխանություն լիներ, նրանք իրենք կնախաձեռներին համահանրապետական հանրահավաքի ժամկետների հնարավոր հետաձգման շուրջ ընդդիմության հետ բանակցություններ: Միաժամանակ մենք հասկանում ենք Հայաստանում մեծ թվով թուրք ֆուտբոլասերների գտնվելու ժամանակ անվտանգության հատուկ միջոցառումների անհրաժեշտությունը, առավել ևս, որ չեն բացառվում որոշ կարծեցյալ հայ ազգայնականների կողմից սադրանքները՚,-ասել է Լ. Զուրաբյանը: Նա հրաժարվել է պատասխանել այն հարցին, թե քաղաքական որ ուժին նկատի ունի`նշելով, որ դա ոչ ոքի համար գաղտնիք չէ: