2009-06-17 12:05

 «Ամփոփելով համաներում հայտարարելու իր կոչին հաջորդած գործընթացը եւ առաջնորդվելով Սահմանադրության 70-րդ հոդվածով` նախագահ Սերժ Սարգսյանն այսօր պաշտոնապես դիմել է Ազգային ժողովի նախագահին, հունիսի 19-ին, ժ.12.00-ին Հայաստանի Հանրապետության Ազգային ժողովի արտահերթ նստաշրջան հրավիրելու առաջարկությամբ: Նախագահ Սերժ Սարգսյանի սահմանմամբ արտահերթ նստաշրջանի օրակարգում ներառված է մեկ հարց` Սահմանադրության 81-րդ հոդվածի առաջին մասի դրույթներին համաձայն, համաներում հայտարարելու վերաբերյալ նախագահի առաջարկությունը: Համաներում հայտարարելու նախագահի առաջարկությունը, որ առաջիկայում կքննարկվի խորհրդարանում, մանրամասնորեն սահմանում է համաներման բոլոր պայմանները: Նախագահի առաջարկությունում մարտի 1-2-ը Երեւան քաղաքում տեղի ունեցած իրադարձությունների առնչությամբ հանցագործություն կատարած անձանց եւս անդրադարձ կա»,- ասել է ՀՀ նախագահի մամուլի քարտուղարը: